Quand de jeunes auteurs font l’expérience de la littérature et de la réflexion

Culture -

La Croix-Rouge haïtienne et la Croix-Rouge américaine, en collaboration avec l’UNICEF, ont organiséun concours de poésie et de dessin à l'intention des jeunes de 10 à 25 ans, autour du thème “Jeunesse, engagement et avenir” (“Jenès, Angajman ak Avni”) pour marquer la journée mondiale de la poésie initiée par l'UNESCO et célébrée, chaque année, depuis 1999.

Les institutions ont récompensé 24 des jeunes qui avaient participé au cncours et qui étaient répartis en deux catégories d'âge: junior (10 à 17ans) et grand (18 à 25 ans.) Elles ont souhaité partager avec des lecteurs du Nouvelliste le poème du gangant de la première et de la seconde catégorie.

Jenès ranje kako w

Boutèy kraze fè zenglen

Fann tan an touwouj

San tanmen fonn nan diven

Tan ankreye

Li pot espwa nan twal lenj

Mouch ap fè lasisin

Zetensèl limyè

Nan de grenn je

Koukouyk’apkabicha

Tan ankolboso

Li potre yon vyekap

Van lakil di nò gwòs

Yon kabarèt twa pye

K’ap fè lakilbit

Anlètèt Maglwa Anbwaz

Tan an dezakòde

Minan do la nan sòl

Koripsyon jwe an re majè

Tan an se yon papiyon nwa

Ki abiye an flè dizè

Pou pouri memwa tchovi yo

Yon fil arenyen

Ki pandje jenès la

Nan tche kako l’ap fè loupin

Yon jenès tout bèt

Tout koulè

Ki pa tann lannwit poul’gri

Kap mache bwete

Klopi klopan kou lò zonbi

Nan eskonbrit a zepengtitèt

Yon jenès sèvèl poul

Ki bliye chimen lespwa l

Gen pou trase pou zanfan yo

Yon jenès fwonte

Ki ta dwe kanpe tenn fas

Douvan chawa k’ap pete

Kwoke nan jant bogota

K’ap bwote lakilti

Desann nan falèz melimelo

Yon jenès solèy midi

Ki ta dwe la pou deseche

Twèl kanfre devègonde yo kite

Kankannen viris

K’ap dodomeya nan kilòt

Lavni pou koukoumannou

Ay frenk ranje tchew

Konmè jenès

Ou pran twòp fo dwèt makiye

Twòp vag kite fouk lanmè

Pou vin gad pwèl ou

Pa mouda tèt

Metew sou brennzeng ou

Pou w mache sou tan an

Montre kat ou non nègès

Montre pipirit kou chòchòt

Ak konbyen koutpenso

Ou ka pentire lavni

Pou mete l andyapazon

Kou lò misye lakansyèl

Wè manzè lapli k’ap grennen

Montre detèminasyon

Vizyon bèlte

K’ap koud nan kalbas tèt ou

Fòs ou genyen nan bibit ou

Pou w pote vil yo sou do w

Lari yo nan très cheve w

Vini vin montre nasyon an

Konbyen kout zeklè

Ou gen nan je w pou klere tan an

Auteur: Joseph Chrisvinan Christo,

Premier Prix de la catégorie “Poésie” / grand

Lieu de residence: Carrefour-Feuilles